Haneef Labbakka

Haneef Labbakka Pakyara
ഒരിക്കൽ ഒരു വിദ്യാർത്ഥി അറിവ് തേടിയുള്ള യാത്ര ആരംഭിച്ചു.
അദ്ധേഹം ഒരു പണ്ഡിതന്റെ കൂടെ കുറച്ച് നാൾ താമസിച്ച് അറിവ് നേടാൻ തീരുമാനിച്ചു.

ആദ്യമായ് ഒരു പണ്ഡിതന്റെ അടുത്ത് ചെന്ന് കാര്യം ബോധിപ്പിച്ചു.

പണ്ഡിതൻ സമ്മതിച്ചു താമസം ആരംഭിച്ച ഉടനെ വിദ്യാർത്ഥി പണ്ഡിതന്റെ ഒരു കുറവ് മനസ്സിലാക്കി
അവിടെ നിന്നും ഒഴിഞ്ഞ് പോന്നു.

വിദ്യാർത്ഥി അത് പോലെ ചുരുങ്ങിയത് തൊണ്ണൂറ്റൊമ്പത് പണ്ഡിതന്റെ അടുത്ത് ചെന്നു എല്ലായിടത്ത്‌ നിന്നും എന്തെങ്കിലുമായി ഒരു കുറവ് കണ്ട് പിടിക്കുകയും അവിടെ നിന്നും ഒഴിഞ്ഞ് വരികയും ചെയ്തു.

അവസാനം നൂറാമത്തെ പണ്ഡിതന്റെ അടുത്ത് ചെന്നു‌,വിദ്യാർത്ഥി ആദ്യമേ പറഞ്ഞു, ഞാൻ ഇതിന് മുമ്പ് തൊണ്ണൂറ്റൊമ്പത് പേരുടെ അടുത്ത്‌ ചെന്നുവെന്നും എല്ലായിടത്ത് നിന്നും എനിക്ക് ഓരോ കുറവുകൾ കാണാനിടയായ് എന്നും അവസാനം തങ്കളുടെ അടുത്ത് എത്തിയതാണെന്നും പറഞ്ഞു,

പണ്ഡിതൻ പറഞ്ഞു,"അവരിൽ നിന്നെല്ലാം നിങ്ങൾക്ക് ഓരോ കുറവല്ലെ ലഭിച്ചുള്ളൂ, ഞാൻ വളരെ അറിവ് കുറഞ്ഞയാളാണ് എന്നിൽ നിന്ന് നിങ്ങൾക്ക് കുറേയധികം കുറവുകൾ‌ ലഭിച്ചേക്കാം,
സമ്മതമാണെങ്കിൽ താമസം തുടരാം"

"പിന്നെ എനിക്ക് പ്രത്യേകമായ് ഒരു കാര്യം പറയാനുള്ളത് നിങ്ങൾക്ക് ഇതിന് മുമ്പ് തൊണ്ണൂറ്റൊമ്പത് പണ്ഡിതരുടെ അടുത്ത് താമസിക്കാനുള്ള‌ അറിവ് നേടാനുള്ള ഭാഗ്യം ലഭിച്ചു നിങ്ങൾ‌ അവിടെ നിന്നെല്ലാം അവരുടെ ഓരോ കുറവുകൾ‌ മനസ്സിലാക്കിയാണ്  വന്നത്,

എന്നാൽ പകരം നിങ്ങൾ അവരിൽ‌ നിന്നും ഓരോ നന്മകളാണ് മനസ്സിലാക്കി‌ വന്നിരുന്നതെങ്കിൽ നിങ്ങൾ ഇപ്പോൾ‌ അത്രയും അറിവ് നേടിയ ആളാകുമായിരുന്നു."

വിദ്യാർത്ഥി കുറ്റ ബോധത്തോടെ തല താഴ്ത്തിയിരുന്നു.

(നമ്മൾ‌ മറ്റുള്ളവരുടെ കുറ്റങ്ങളും‌ കുറവുകളും കണ്ട് പിടിക്കുന്നതിന് പകരം അവരിലെ നന്മയെ കണ്ടെത്തി‌ അത് ജീവിതത്തിൽ പകർത്താൻ ശ്രമിക്കുക)