Haneef Labbakka

രണ്ട് വരകൾ
---------------------
✒Haneef Labbakka Pakyara
അദ്ധ്യാപകൻ ക്ലാസ്സിലേക്ക് കയറിയ ഉടനെ ബോർഡിൽ ഒരു വര വരച്ചു,
എന്നിട്ട് വിദ്യാർത്ഥികളോട് പറഞ്ഞു,“ഈ വരയിൽ ഒന്നും ചെയ്യാതെ  ഈ വരയെ ചെറുതാക്കണം,ആർക്ക് സാധിക്കും?"

വിദ്യാർത്ഥികൾ ആശ്ചര്യപ്പെട്ടു,
ആ വരയെ ഒന്നും ചെയ്യാതെ എങ്ങിനെയാണ് ചെറുതാക്കാനാകുക?
വിദ്യാർത്ഥികൾ പറഞ്ഞു,“ആ വരയെ ഒന്നും ചെയ്യാതെ അതിനെ ചെറുതാക്കാൻ ഒരിക്കലും സാധ്യമല്ല”

അദ്ധ്യാപകൻ വിദ്യാർത്ഥികളെ ഒന്ന് നോക്കി മറ്റൊന്നും പറയാതെ
ആ ചെറിയ വരക്ക് നേരെ താഴെ മറ്റൊരു വര വരച്ചു മുമ്പത്തിനേക്കാൾ വലിയ വര.
ആദ്യത്തെ വരയെ ഒന്നും ചെയ്യാതെ തന്നെ ആ വര ചെറുതാകുകയും ഇപ്പോൾ വരച്ചത് വലിയ വരയാകുകയും ചെയ്തു.

ആ വിദ്യാർത്ഥികൾ അന്ന് അവരുടെ ജീവിതത്തിലെ വലിയ ഒരു പാഠം പഠിച്ചു.
മറ്റുള്ളവർക്ക് നഷ്ടം വരുത്താതെ
മറ്റുള്ളവരെ മോശക്കാരാക്കാതെ
അവരോട് അസൂയപ്പെടാതെ
മറ്റുള്ളവരേക്കാൾ മുന്നിലെത്താനുള്ള
കഴിവ് ആ വിദ്യാർത്ഥികൾ കുറഞ്ഞ സമയം കൊണ്ട് തന്നെ പഠിച്ചിരുന്നു.

തീർച്ചയായും ജീവിതത്തിൽ മുന്നേറാൻ  ശ്രമിക്കണം,എന്നാൽ അത് ഒരിക്കലും മറ്റുള്ളവരെ വീഴ്ത്തിയാകരുത്.
അതാണ് മനുഷ്യത്വം.