മാതാവിന്റെ കണ്മണി

എന്റെ കണ്മണിയെന്ന് വിളിച്ച് വളർത്തിയ മകൻ ഇന്ന് ഉമ്മയെ കണ്ണുരുട്ടി പേടിപ്പിക്കുന്നു.
എല്ലാ സന്തോഷവും നൽകി വളർത്തിയ മകൻ ഇന്ന് ഉമ്മാക്ക് വേദനകൾ മാത്രം നൽകുന്നു.
സംസാരിക്കാൻ പഠിപ്പിച്ച ഉമ്മയോട് ഇന്ന് മകൻ സംസാരിക്കാതെയിരിക്കാൻ പറയുന്നു.


അന്ന് മകനെ ഉറക്കിയിട്ടെ ഉമ്മ ഉറങ്ങാറുണ്ടായിരുന്നുള്ളൂ..

ഇന്ന് ഉറക്കം വരാതെ അടുത്ത മുറിയിൽ നിന്ന് ഉമ്മയ്ക്ക് ചുമ കാരണം ശബ്ദം ഉണ്ടായാൽ മകൻ ശബ്ദം ഉയർത്തി ചോദിക്കുന്നു,"ഉറങ്ങാനും സമ്മതിക്കില്ലെ" എന്ന്.
അന്ന് താരാട്ട് പാടി ഉറക്കിയിരുന്നു ആ ഉമ്മ മകനെ ഇന്ന് മകൻ ഉമ്മയോട് കടുത്ത വാക്കുകൾ പറഞ്ഞ് ഉമ്മയുടെ മനസ്സ് വിഷമിപ്പിച്ച് ഉറക്കം നഷ്ടപ്പെടുത്തുന്നു.
അന്ന് സ്കൂളിൽ കണക്കിന് മാർക്ക് കുറഞ്ഞുവെന്ന് പറഞ്ഞപ്പോൾ‌ ഉമ്മ പഠിപ്പിച്ചു കണക്ക് ആ മകന്ന്
ഇന്ന് ആ മകൻ ഉമ്മയുടെ‌ തെറ്റുകൾ‌ എണ്ണിയെണ്ണി പറയുന്നു.