"അൽഹംദുലില്ലാഹ്."

നാം ആഗ്രഹിച്ചത് നടന്നില്ല എങ്കിൽ നിരാശപ്പെടരുത് മറിച്ച് പറയുക, "അൽഹംദുലില്ലാഹ്."
കാരണം നല്ലതും മോശവും അറിയുന്നവൻ എല്ലാത്തിനും കഴിവുള്ള ഏക ഇലാഹായ അല്ലാഹു മാത്രമാണ്.
നമ്മൾ ചിലപ്പോൾ അതായത് തനിച്ചോ, ഭാര്യാഭർത്താക്കൻമാരോ,അല്ലെങ്കിൽ വീട്ടിലുള്ളവർ മുഴുവനുമോ ചില കാര്യങ്ങൾ ആഗ്രഹിക്കുന്നു.
ഉദാഹരണത്തിന് മക്കളുടെ ആരുടെയെങ്കിലും വിദ്യാഭ്യാസത്തിന്റെ കാര്യം,അല്ലെങ്കിൽ കല്ല്യാണാലോചന, അല്ലെങ്കിൽ വീട് വെയ്ക്കാനായി ഒരു സ്ഥലം കണ്ടെത്തുക അല്ലെങ്കിൽ ഉള്ള സ്ഥലം വിൽക്കാൻ ശ്രമിക്കുക.
ഈ കാര്യങ്ങളിലേതെങ്കിലും ഒന്നിനായി അല്ലെങ്കിൽ ഒന്നിൽ കൂടുതലിനായി നാം ആഗ്രഹിക്കുന്നു,അതിനായി നാം ശ്രമം തുടങ്ങുന്നു അല്ലാഹുവിനോട് ദുആ ചെയ്യുന്നു.
എന്നാൽ അല്ലാഹുവിനോട് എങ്ങിനെയാണ് ദുആ ചെയ്യേണ്ടത്?
യാ അല്ലാഹ് എന്റെ മകൾക്ക് അല്ലെങ്കിൽ മകന് ആ‌ കോളേജിൽ സീറ്റ് ലഭിക്കുന്നത് അല്ലെങ്കിൽ ആ കോഴ്സിന് സീറ്റ് ലഭിക്കുന്നത് അവനും അല്ലെങ്കിൽ അവൾക്കും ഞങ്ങൾക്കും ഖൈറാണെങ്കിൽ ശരിയാക്കിത്തരേണമേ അല്ലാഹ്...
എന്ന് വേണം പ്രാർത്ഥിക്കാൻ...
അല്ലാതെ അത് എനിക്ക് അല്ലെങ്കിൽ ഞങ്ങൾക്ക് ഉറപ്പായും ലഭിക്കണം എന്നല്ല ദുആ ചെയ്യേണ്ടത്.
കാരണം ആ കോളേജിൽ അല്ലെങ്കിൽ ആ കോഴ്സിന് ചേർന്നാൽ ഉണ്ടാകാൻ പോകുന്ന നല്ലതും ചീത്തയുമായ ഏതു കാര്യവും നമുക്ക് അറിയില്ല എന്നാൽ അല്ലാഹു സുബ്ഹാനഉത്തആല എല്ലാം അറിയുന്നവനാണ്.
അവനോട് ഖൈറാണെങ്കിൽ ശരിയാക്കേണമേ എന്ന് ദുആ ചെയ്യുമ്പോൾ അതിനു വേണ്ടി നാം എത്ര ശ്രമിച്ചാലും എത്ര ദുആ ചെയ്താലും ഒരോ മുടക്കങ്ങൾ ഉണ്ടാവുകയും നാം വിചാരിച്ച കാര്യം ശരിയാവാതിരിക്കുകയും ചെയ്താൽ സന്തോഷത്തോടെ അത് അല്ലാഹുവിന്റെ അനുഗ്രഹമാണെന്ന് മനസ്സിലാക്കി അൽഹംദുലില്ലാഹ് എന്ന് പറയണം.
ചില കല്ല്യാണോചനകൾ വരുമ്പോഴും നമ്മളിൽ ചിലർ ആ ബന്ധം തന്നെ ശരിയാകുന്നതിന്ന് വേണ്ടി ദുആ ചെയ്യുന്നു.
ഖൈറാണെങ്കിൽ അടുപ്പിക്കണം അല്ലാഹ് ശറ്ർ ആണെങ്കിൽ ദൂരപ്പെടുത്തണം എന്ന് തന്നെ ദുആ ചെയ്യണം ഇന്ന് നാം കാണുന്നതായിരിക്കില്ല ആരുടെയും ഭാവി.
അത് നന്നായറിയുന്നവൻ അല്ലാഹു മാത്രമാണ്.
ഈ ചിന്ത നമ്മുടെ മനസ്സിൽ ഉണ്ടാകുമ്പോൾ നമുക്ക് വരുന്ന ധന നഷ്ടം രോഗങ്ങൾ വിഷമങ്ങളും പ്രയാസങ്ങളും എല്ലാം നമുക്ക് നല്ലതിന് വേണ്ടി അല്ലാഹു നൽകിയതായിരിക്കാം എന്ന ഉറച്ച വിശ്വാസമുണ്ട് എങ്കിൽ ഈ സങ്കടങ്ങളിൽ പോലും നമുക്ക് സന്തോഷം കണ്ടെത്താൻ സാധിക്കും.
അല്ലാഹു അനുഗ്രഹിക്കുമാറാകട്ടെ.. ആമീൻ