അവർ ഏറെ ആഗ്രഹിക്കുന്നത്

ചിന്തിച്ചിട്ടുണ്ടോ, ഒരു സ്ത്രീ അത് മാതാവാകട്ടെ, സഹോദരിയാകട്ടെ,മകളാകട്ടെ,ഭാര്യയാകട്ടെ അവർ ഏറ്റവും കൂടുതൽ ആഗ്രഹിക്കുന്നത് എന്താണ്?
ഉത്തരങ്ങള് പലർക്കും പലതുമുണ്ടാകാം.
എന്നാൽ ഒരു സ്ത്രീ ഏറ്റവും കൂടുതൽ ആഗ്രഹിക്കുന്നത് സ്വന്തമായി തീരുമാനമെടുക്കാനുള്ള അവകാശമാണ്..


അഭിപ്രായങ്ങൾ പറയാം സംശയങ്ങൾ ദൂരികരിച്ചു കൊടുക്കാം
തെറ്റ് തിരുത്തിക്കൊടുക്കാം സനേഹത്തോടെ ക്ഷമയോടെ സമാധാനത്തോടെ.

എന്നാൽ ചുരുങ്ങിയത് അവരുടെ വളരെ സ്വകാര്യമായ കാര്യങ്ങളിലെങ്കിലും അവർക്ക് സ്വന്തം തീരുമനമെടുക്കാനുള്ള അവകാശം നൽകണം.

അവർ ഏറെ ആഗ്രഹിക്കുന്നതും അതായിരിക്കും.
എല്ലാ കാര്യങ്ങളിലും പുരുഷന്റെ തന്നെ ഇഷ്ടങ്ങളും തീരുമാനങ്ങളും സ്ത്രീ അംഗീകരിക്കണമെന്ന വാശി പാടില്ല.
ആ പുരുഷൻ ഭർത്താവോ പിതാവോ സഹോദരനോ ആരുമാകട്ടെ.

ചോദിച്ചു നോക്കുക
മാതാവിനോട് ഭാര്യയോട് സഹോദരിയോടോ മകളോടോ
ഏറ്റവും കൂടുതൽ സ്ത്രീ ആഗ്രഹിക്കുന്നത് എന്താണെന്ന്?
ചിലപ്പോൾ നമ്മുടെ നാട്ടിൽ അങ്ങിനെ സ്ത്രീകൾക്ക് ചെറിയ ഒരു സ്വാതന്ത്ര്യം വീട്ടിലെ കാര്യത്തിലെങ്കിലും നൽകിയാൽ പെണ്ണിന്റെ വാക്ക് കേട്ട് നടക്കുന്നവൻ എന്നൊക്കെ പറഞ്ഞേക്കാം,
കാര്യമാക്കേണ്ട അവരുടെ അതായത് മുകളിൽ പറഞ്ഞ സ്ത്രീകളുടെ സന്തോഷവും സമാധാനവും അനുഭവിച്ചറിയുക