ഇന്ന് ചിന്തിച്ച് പോകുന്നു

അന്ന് ചെറിയ കുട്ടിയായിരുന്നപ്പോൾ യുവത്വം ഒരു സ്വപ്നമായിരുന്നു,
അങ്ങിനെ യുവാവയപ്പോൾ ആ കുഞ്ഞു കാലം ഒരു ഓർമ്മയായി മാറി.
അന്ന് വീട്ടിലായിരുന്നപ്പോൾ പുറത്ത് പോകുക എന്നത് സ്വാതന്ത്ര്യം കിട്ടിയത് പോലുള്ള സന്തോഷമായിരുന്നു.

ഇന്ന് സ്വാതന്ത്ര്യം ഏറെയുണ്ട് എന്നാൽ ഇന്ന് എങ്ങിനെയെങ്കിലും വീട്ടിൽ തിരിച്ചെത്താനുള്ള തിരക്കിലാണ്.
അന്ന് പല തരം ഹോട്ടലുകളിൽ പോയി പല തരം ഭക്ഷണം കഴിക്കാനായിരുന്നു ഇഷ്ടം,
എന്നാൽ ഇന്ന് വീട്ടിൽ വന്ന് ഉമ്മയുടെ കൈ കൊണ്ടുണ്ടാക്കിയ ഭക്ഷണം കഴിക്കാനാണ് ഏറെ ഇഷ്ടം.
അന്ന് സ്കൂളിൽ‌ ആരുമായാണോ കൂടുതൽ അടി ഉണ്ടാക്കിയതും ആരാടാണോ കൂടുതൽ പിണങ്ങി നടന്നത്,
ഇന്ന് അവരെ സോഷ്യൽ മീഡിയ വഴി കണ്ടെത്താനും സംസാരിക്കാനുമുള്ള തിരക്കിലാണ്.
സന്തോഷം അതെവിടെ നിന്ന് ലഭിക്കുന്നു, അതിപ്പോഴാണ് മനസ്സിലാക്കാൻ പറ്റിയത്.
ചെറുപ്പ കാലം അതെന്തായിരുന്നു അതിപ്പോഴാണ് മനസ്സിലായത്.
ജീവിതത്തിലെ കുറച്ച് വർഷങ്ങൾ അത് അങ്ങോട്ടും ഇങ്ങോട്ടും മാറ്റാൻ സാധിച്ചിരുന്നുവെങ്കിൽ,
ആ സന്തോഷത്തോടെ ആ സമാധാനത്തോടെ ജീവിതം കുറച്ച് കൂടി ജീവിക്കാൻ സാധിച്ചിരുന്നുവെങ്കിൽ.
ഓർത്ത് പോകുന്നു അന്ന് ഉറക്കം നടിച്ച് കണ്ണടച്ച് കിടന്നപ്പോൾ ഉമ്മയോ ഉപ്പയോ ചുമലിലിട്ട് കൊണ്ട് പോയി ഉറങ്ങാൻ കിടത്തിയത്.
സത്യം ചെറുപ്പത്തിൽ ചിന്തിച്ചിരുന്നു ഞാൻ എപ്പോഴാ ഒന്ന് വലിയ ആളാകുന്നതെന്ന്,
എന്നാൽ ഇന്ന് ചിന്തിച്ച് പോകുന്നു ഞാൻ എന്തിനാണ് വലിയതായിപ്പോയതെന്ന്.